17 май 15:40
Янгиликлар
Бокс/ММА
Карлос Пратес Махачев — Гарри тўқнашуви ғолиби билан жанг қилиб, UFC чемпиони бўлмоқчи
UFC яримўрта вазн тоифасидаги иккинчи рақамли жангчи, бразилиялик Карлос Пратес навбатдаги даъвогар бўлиш ва йил охиригача чемпионликни қўлга киритишга умид қилаётганини айтди.
"Менимча, кейинги жангим камар учун бўлади. Менда учта ғалаба, учта нокаут ва учта бонус бор. Уч рақибимдан иккитаси эса собиқ чемпионлар эди. Шунинг учун, ҳа, кейинги жангим чемпионлик учун бўлади деб ўйлайман. Ноябрь ёки декабрь ойида Ислам Махачев — Иэн Гарри жанги ғолиби билан учрашиш ажойиб бўларди. Йилни чемпион сифатида якунлаш жуда зўр бўларди.
Гарри билан реванш улкан тўқнашувга айланади. Айниқса, камар ўртага қўйилса, айнан шу жангни энг кўп хоҳлаяпман. Аммо Исламни мағлуб этиш ҳам ажойиб бўларди, чунки у вазн тоифаларидан қатъи назар UFC’нинг энг яхши жангчилари рейтинги етакчиси. Уни енгиш ҳам катта ютуқ бўларди. Бундан ташқари, мен бонус ва чемпионлик камарини ҳам қўлга киритаман", — деди Пратес AgFight порталига.
Ҳавола :
Манба : AgFight
Фикрлар