Каролина Плишкова Страсбург турнири 1/4 финалида

Чехиялик теннисчи иккинчи даврада рейтингнинг 122-поғонасидан жой олган америкалик Бернарда Перани 6/3, 1/6, 6/1 ҳисобида таслим этди. Тўқсон олти дақиқа давом этган баҳсда 30 ёшли Плишкова оз эмас, кўп эмас, 16 та эйс зарбасини амалга оширган. 

Унинг рақибаси, 27 ёшли Пера эса 7 та эйс зарбаси, 2 та қўшхато ва 3 та брейк қайд этган. Теннисчиларнинг ўзаро учрашувларида Каролина олдинда бормоқда - 2:0. Энди Плишкова Страсбург турнири ярим финал чиптаси учун бельгиялик Марина Заневскаяга қарши кортга чиқади.