Касаткина ҳал қилувчи тай-брейкда ютқазди ва гуруҳда қолиб кетди

Гуруҳ босқичининг учинчи турида дунёнинг саккизинчи ракеткаси бўлиб турган россиялик Дарья Касаткина рейтингда ўзидан икки поғона юқорида бораётган франциялик Каролин Гарсияга 6/4, 1/6, 6/7(5) ҳисобида имкониятни бой бериб қўйди.

Шу тариқа, Касаткина ярим финал йўлланмасини қўлга кирита олмади. Теннисчиларнинг ўзаро учрашувларида Гарсия ҳисобда олдинга чиқиб олди - 2:1. Роппа-роса икки ярим соат давом этган баҳсда Касаткина 1, Гарсия эса 4 та эйс зарбасини амалга оширди. Дарьяда қўшхатолар 8 тани ташкил этди. 

Гуруҳ босқичи якунига кўра Каролин Гарсия 2 ғалаба ва 1 мағлубият билан Трэйси Остин квартетида иккинчи ўринни эгаллади. Энди у 1/2 финалда иккинчи гуруҳ ғолиби грециялик Мария Саккарига қарши кортга чиқади.