Касаткина - Мельбурн турнири чемпиони!

Мусобақанинг ҳал қилувчи финал учрашувида дунёнинг 75-ракеткаси, россиялик Дарья Касаткина WТА рейтингида 50-ўринни эгаллаб турган чехиялик Мари Бузковага қарши кортга чиқди. Финал баҳсида Касаткина рақибасини 4/6, 6/2, 6/2 ҳисобларида мағлуб этишни уддалади. 

Икки соату 8 дақиқа давом этган учрашувда 23 ёшли Касаткина тўртта эйс зарбасини  амалга оширди. Тўпни ўйинга киритишда беш марта хатога йўл қўйди ва етти бор брейк-поинтдан фойдаланди. 22 ёшли Бузкова эса бир бор эйс, саккиз марта қўшхато ва тўртта брейкни қайд этди.

Бу теннисчиларнинг ўзаро илк учрашуви эди. Phillip Island Trophy турниридаги муваффақиятли иштирок Касаткинага 280 рейтинг очкоси ҳамда 28 500 АҚШ доллари миқдоридаги мукофот пулини тақдим этди.