07 авг 12:13
Янгиликлар

Спорт курашлари

Кайл Снайдер ва Аҳмед Тажудинов ўртасида реванш жанги ўтказилади

Эркин кураш бўйича Олимпиада ғолиблари Кайл Снайдер ва Аҳмед Тажудинов Real American Freestyle (RAF) турнирида ўзаро реванш баҳсини ўтказади.

Мусобақа 5 сентябрь куни Москва шаҳрида бўлиб ўтади. Бу ҳақда ташкилот матбуот хизмати маълум қилди.

Эслатиб ўтамиз, курашчиларнинг илк ўзаро беллашуви шу йил март ойидаги RAF турнирида бўлиб ўтган ва унда америкалик Кайл Снайдер ғалаба қозонган эди.

30 ёшли Кайл Снайдер 2016 йилги Олимпия ўйинлари чемпиони ҳамда 2020 йилги Олимпиада кумуш медали соҳиби ҳисобланади. Шунингдек, у жаҳон чемпионатларида тўрт марта (2015, 2017, 2022 ва 2025 йиллар) ғолиб чиққан.

23 ёшли Аҳмад Тажудинов эса Доғистонда туғилган бўлиб, халқаро мусобақаларда Баҳрайн шарафини ҳимоя қилади. У 2024 йилги Олимпия ўйинлари чемпиони ва 2023 йилги жаҳон чемпионати ғолиби ҳисобланади.