17 дек 09:17
Янгиликлар

Бокс/ММА

Кайо Борральонинг навбатдаги жанги ҳақида маълумот берилди

Ёдингизда бўлса, бундан уч йил аввал бразилиялик аралаш яккакураш устаси ҳамюртимиз Маҳмуд Мурадовга қарши жанг ўтказганди.

Кайо Борральонинг октагонга қайтиши 7 март куни АҚШнинг Лас-Вегас шаҳрида ташкил этиладиган UFC 326 турнирига мўлжалланмоқда. Ўрта вазн тоифасидаги бўлажак жангда Кайога Ренье де Риддер рақиблик қилар экан.

Қизиғи, иккала аралаш яккакураш устаси ҳам эҳтимолий даъвогарлик жангларидаги мағлубиятлардан сўнг октагонга қайтади. Бразилиялик сентябрь ойида ҳакамлар қарорига кўра Нассурдин Имавовга ютқазган бўлса, нидерландиялик октябрь ойида Брендан Алленга имкониятни бой берганди. Ренье де Риддернинг мураббийлари ўша жангнинг тўртинчи раундида октагонга оқ сочиқ ташлашганди.

Айни пайтда UFC’нинг ўрта вазн тоифаси рейтингида Кайо Боррало ҳамда Ренье де Риддер мос равишда еттинчи ва саккизинчи поғоналарни эгаллаб турибди.