Кеимюнг университети президентига Ўзбекистонда профессор унвони берилди

Шу давр мобайнида спорт таълимининг турли йўналишларида, малакали мураббий ва спортчиларни тайёрлашнинг илмий асосларини кенг жорий этиш тизимида бир қатор лойиҳалар устида иш олиб борилди.

Куни кеча Кеимюнг университети Халқаро алоқалар бўйича вице-президенти Сеон Жунг Ким бошчилигидаги делегация Ўзбекистон давлат жисмоний тарбия ва спорт университетига ташриф буюрди.

Учрашувда Ўзбекистон давлат жисмоний тарбия ва спорт университети ректори Рашид Маткаримов икки университет ўртасида ўрнатилган дўстона ҳамкорликни янада мустаҳкамлаш, жисмоний тарбия ва спорт соҳасида халқаро алоқаларини ривожлантириш, профессор-ўқитувчилар ва талабалар алмашинувини амалга ошириш ва таэквондо спорт тури бўйича илмий лойиҳаларни биргаликда олиб бориш юзасидан ўз фикр ва мулоҳазаларини билдирди.

Тадбир давомида Кеимюнг университети президенти жаноб Шин Ил Ҳеенга Ўзбекистон давлат жисмоний тарбия ва спорт университети фахрий профессор унвонини топшириш маросими бўлиб ўтди.

Шундан сўнг, университет спорт мажмуасида Кеимюнг ва Ўзбекистон давлат жисмоний тарбия университети талаба-спортчилари иштирокида амалий ва назарий машғулотларга изн берилди. Кореялик таэквондочиларнинг кўргазмали чиқишлари йиғилганларда илиқ таассурот қолдирди.

Тўлқин Рўзиев, ЎзА