02 окт 12:14
Янгиликлар

Бокс/ММА

"Келишувга эришилди, шартнома имзоланди, етказилди" — Макгрегор Оқ уйдаги жанги ҳақида хабар берди

Икки вазн тоифасида собиқ UFC чемпиони Конор Макгрегор промоушеннинг Оқ уйдаги турнири бўйича келишувга эришганини маълум қилди.

"Келишувга эришилди, шартома имзоланди, тегишли одамларга етказилди. Макгрегор Американинг 250 йиллиги муносабати билан Оқ уйда жанг қилади", - деди ирландиялик 37 ёшли Конор Fox News Channel телебошловчиси Шон Хеннитига берган интервьюсида.

Эслатиб ўтамиз, Оқ уйдаги UFC рақамли турнири 2026 йил июнь ойида бўлиб ўтиши керак.

Маълумот учун, Конор 2021 йил июль ойидан бери аралаш яккакурашларда жанг қилмаган. Ўшанда у UFC 264 турнирида оёқдаги жароҳати сабаб биринчи раунддаёқ Дастин Порьега қарши жангини давом эттира олмаган ва натижада унга техник нокаут ёзилганди. Макгрегорнинг профессионал рекорди 22 ғалаба ва 6 та мағлубиятни ташкил қилмоқда.