"Кейнга озодлик!" - Жуниор дос Сантос Кейн Веласкесни қўллаб-қувватлади

Оғир вазн тоифасида собиқ UFC чемпиони, Кейн Веласкес билан октагонда уч марта жанг қилган Жуниор дос Сантос собиқ рақибини қўллаб-қувватлади.

"Рақобатчилар сифатида биз ғалаба қозониш орзуси ва биринчи рақамли бўлиш истагини баҳам кўрдик ва энди ота-оналар сифатида бизнинг ғалабамиз - бу оилаларимиз фаровонлиги ва хавфсизлиги", - деб ёзди бразилиялик ўзининг "Твиттер" саҳифасида.

"Кейн Веласкес иштирок этган вазиятни ўрганиш учун ҳали кўп нарса бор, аммо шу пайтгача ҳар қандай ота-она унинг ўрнида бўлса, худди шундай қилган бўларди, деб ўйлайман. Адолат ўрнатилсин ва Кейн ўзига тегишли жойда, оиласи билан имкон қадар кўпроқ бўлсин", - дея сўзига якун ясади Сантос.