Кларисса Шилдс Дикерга қарши мутлақ чемпионлик учун рингга чиқади

Оқшомнинг қизиқарли жангларидан бири аёллар ўртасида мутлақ жаҳон чемпионлиги учун кечади. Унда биринчи ўрта вазн тоифасида WBO ва WBC йўналишлари чемпиони Кларисса Шилдс шу вазнда IBF чемпиони Мари-Ив Дикерга қарши рингга кўтарилади.

Америкалик 24 ёшли Кларисса ҳамда канадалик 33 яшар Дикер ўртасидаги жанг ғолиби биринчи ўрта вазн тоифасининг мутлақ чемпионига айланади. WBC, WBO ва IBF камарларидан ташқари ўртага вакант бўлиб турган WBA суперчемпионлик камари ҳам қўйилади. 

Маълумот учун, жанг Кларисса Шилдс туғилиб ўсган шаҳарда бўлиб ўтади. 16 март куни эса ушбу жангга бағишланган илк матбуот анжумани ўтказилади. Шилдс ҳаваскор боксда икки карра Олимпиада чемпиони, проф боксда эса учта вазн тоифасида жаҳон чемпиони, ўрта вазнда мутлақ жаҳон чемпиони ҳисобланади.