08 ноя 14:01
Янгиликлар

Спорт курашлари

"Классиклар"имизнинг Шимкентдаги муваффақияти

Қозоғистоннинг Шимкент шаҳрида юнон-рум кураши бўйича анъанавий халқаро турнир бўлиб ўтди.

Нардан Cапарбаев хотирасига бағишлаб ўтказилган мусобақада Қозоғистон, Ўзбекистон, Бразилия, Қирғизистон ва Тожикистондан келган "классиклар" иштирок этишди. Юртимиз шарафини Ислом Шодмонов ва Хайрулла Абдуллаев мураббийлигидаги терма жамоамиз аъзолари ҳимоя қилишди.

Хусусан, 60 кг вазн тоифасидаги финал беллашувида икки курашчимиз тўқнаш келишди. Ислом Баҳромов жамоадоши Феруз Тўхтаевни мағлуб этиб, халқаро турнир ғолибига айланди. Тўхтаев кумуш медалга сазовор бўлди. Жамоамизга яна бир кумуш медални 72 кг вазндаги юнон-рум курашчимиз Жаҳонгир Ҳамроев тақдим этди. Абдулло Алиев (67 кг), Самандар Идиев (77 кг) ва Нурбек Хошимбеков (87 кг) эса бронза медалини қўлга киритди.