17 дек 16:10
Янгиликлар

Бокс/ММА

Кличко сўнгги 10 йиллик боксчиси бўлишга даъвогар

Украиналик бокс афсонаси Владимир Кличко сўнгги 10 йилликнинг энг яхши боксчиси бўлиш учун даъвогарлик қиляпти.

Супероғир вазн тоифасида собиқ мутлақ жаҳон чемпионининг Joe Louis Fighter of the Decade совринини ютиши осон кечмайди. Ҳозирда бу номинацияси ғолиблиги учун Кличкодан ташқари Флойд Мейвезер, Мэнни Пакьяо, Андре Уорд ва Сауль Альварес даъвогарлик қилмоқда.

Ғолиб номи 17 январь куни эълон қилинади. Даъвогар боксчилар рўйхатини бокс ҳақида ёзувчи Америка журналистлари Ассоциацияси (BWAA) тузиб чиққан. Бундан аввалги 10 йиллик (2000-2009) мукофоти филиппинлик бокс афсонаси Мэнни Пакьяога насиб этган эди.