Клопп “Ливерпуль”нинг мағлубиятидан сўнг нималар деди?

“Рианнинг пеналтини амалга ошира олмагани бу у қандайдир босим остида қолади дегани эмас. Хатолар учун кимнидир айбдор деб ҳисоблаш лозим бўлса, бу менман. Унинг зарба йўллашини мен истаган эдим. У бу каби ишларни амалга оширишга уста эди. Аммо бугун ўйлаган мақсадини амалга ошира олмади. Ҳаётда ва футболд бу тахлит ишлар рўй бериб туради.

Биз барчамиз мағлубиятга кўникишни ўрганишимиз, унда хулосалар чиқаришимиз лозим. Агар ўша вазиятда у гол уриб, бошқа бир кимдир адашганида ҳам шундай ҳолат рўй бериши мумкин эди. Ҳеч ким хатодан ҳоли эмас. Мен Рианнинг ҳеч қачон 11-метрлик зарбадан адашганини кўрмагандим. Аммо бу сафар мана шу иш содир бўлди”, дея Клоппнинг сўзларидан иқтибос келтирмоқда Goal.

Англия Суперкубоги учун кечган баҳсда “Арсенал” “Ливерпул”дан устун келди. “Уэмбли” стадионида кечган беллашув 1:1 ҳисобида якунланди. Пеналтилар сериясида эса “тўпчилар” омадлироқ (5:4) чиқишди ва ўз тарихида 16-бор ушбу совринга эга чиқишди.

Пеналтилар сериясида омад “Арсенал” футболчилари томонида бўлди. “Қизиллар” сафида эса Риан Брустер 11-метрлик зарбани голга айлантира олмади ва якунда унинг жамоаси мағлуб бўлди.