Коко Гауфф: "Алькарас худди пешқадамлик босимини ҳис қилмайдигандек"

"Уларнинг "Ролан Гаррос" ҳамда "Уимблдон"даги ўзаро ўйинларини томоша қилдим. Цинцинатти финалини эса кўролмадим, чунки ўзимнинг финалимдан кейин уйга қайтаётгандим. Кейинчалик қисқа видеоларни кўрдим, тўлиқ ўйинни томоша қилишнинг иложи бўлмади.

Улар яна қаерларда ўзаро ўйинлар ўтказганини эслолмайман, бироқ уларнинг ўйинларини доимо томоша қиламан. Асосий дарс - улар яхши теннис кўрсатмаётган пайтда ҳам ҳолатдан чиқиб кета олишлари. Масалан, Карлос Цинцинаттидаги финалнинг барча сетларида мағлуб бўлаётганди, табиийки бор кучи билан ҳам ўйнай олмаётганди. Бироқ шунда ҳам у табассум қилишда давом этди. Масалан, Хаби Хуркачга қарши ўйинда сетда мағлуб бўлди ва брейк бериб қўйди, шунда ҳам у табассумини яширмади.

У дунёнинг биринчи ракеткаси, аммо у табассум қилишда давом этаверади. Масалан мен ҳам Ига ёки Соболенкога қарши ўйинларда табассум қилишим мумкин. Аммо у пешқадамлик босимини ҳис қилмаётгандек.

Демак, асосий ҳулоса - улар ўз ишларидан лаззат олишади. Бун менда ҳам бўлиши мумкин. Чунки теннис ўйнаётганимда ўзимни йўқотиб қўймайман. Ҳозир эса ўйинлардан шунчаки завқ оляпман, куляпман, табассум қиляпман. Теннис ҳам одамларга завқ бера олади", - деди Гауфф.