Колби Ковингтон мураббийи учун ўч олишга онт ичди

Америкалик аралаш яккакураш устаси йилнинг сўнгги UFC турнири марказий жангида ҳамюрти Хоакин Баклига имкониятни бой бериб қўйган эди. Жангнинг учинчи раундида рефери Дэн Мираглиотт октагонга шифокорни таклиф қилган, у эса Колбининг жароҳати жиддий эканини айтиб, баҳсни тўхтатишга тавсия берганди. 

Ковингтон узоқ танаффус олиш истагида эмас, у кейинги жангини бразилиялик Гилберт Бернсга қарши ўтказмоқчи эканини айтмоқда. Колби бежизга Бернсни танламаяпти. Яқинда Гилберт ижтимоий тармоқда Ковингтоннинг мураббийи Чел Сонненнинг телефон рақамини тарқатиб юборганди.

"Бу жирканч ва кечириб бўлмас хатти-ҳаракат. Энди мураббийга дуч келган одам қўнғироқ қилиб, қўпол гаплар билан босим ўтказяпти. Бу хавфсизлик муаммоси. Гилберт, нима қилиб қўйганингни биласанми? Мен сени бу ишинг учун жазолайман. Мен Чел амакимга сени тазирингни бериб қўйишимни айтдим. Тез орада октагонда учрашамиз, аҳмоқ", - деди Ковингтон.