Конор Бенн Райан Гарсияга қарши жанг олдидан тарозидан ўтгач, 8 соат ичида деярли 15 кг вазн йиғди

Уларнинг жанги эртага, 13 сентябрь куни тонг саҳарда АҚШнинг Лас-Вегас шаҳрида ташкил этиладиган "Zuffa Boxing" турнири доирасида бўлиб ўтади.

Кеча кечқурун Конор тарозида 66,2 кг тош босган бўлса, бугунга келиб унинг вазни 80,9 кг (178,4 фунт)ни ташкил этди. Шуни ҳам таъкидлаш жоизки, боксчилар ўртасидаги келишувда жанг куни қайта тарозига тушиш бўйича лимит белгиланмаган.

АҚШ шарафини ҳимоя қилаётган 27 ёшли Райан Гарсия 2016 йилда профессионал фаолиятини бошлаган, 2023 йилдан буён эса ярим ўрта вазн тоифасида жанг қилиб келмоқда. Гарсия ҳисобида 24 та ғалаба (шундан 20 таси нокаут билан) ва 2 та мағлубият бор.

Конор эса профессионал фаолиятини 2016 йил апрель ойида бошлаган. Бенннинг профессионал рекордида 25 та ғалаба (шундан 14 таси муддатидан олдин) ва 1 та мағлубият қайд этилган.