15 ноя 14:25
Янгиликлар

Бокс/ММА

Конор Макгрегор билан шуғулланган Баҳромжон Рўзиев : "Агар сен энг зўри бўлишни хоҳласанг, энг зўри билан шуғуллан" + ФОТО

Теглар : Конор Макгрегор Баҳромжон Рўзиев

Аввал хабар берганимиздек, ўзбекистонлик аралаш якка кураш устаси Баҳромжон Рўзиев иккита вазн тоифасида UFC собиқ чемпиони, ирландиялик Конор Макгрегор билан машғулот олиб бормоқда.

Машғулотлар Дубайдаги TKMMA залида давом этмоқда. Ушбу залда ўзбекистонлик Ҳусан Мажлимов мураббий сифатида фаолият олиб боради.

Маълум бўлишича, Конорнинг Дубайдаги машғулотлари ёпиқ режимда ўтмоқда ва у Баҳромжон Рўзиевни спарринг шерикликка таклиф этган.

Баҳромжон Рўзиев буни қуйидагича изоҳлади:

"Тунги раундлар! Агар сен энг зўри бўлишни хоҳласанг, энг зўри билан шуғуллан. Шундайларидан бири бўлмиш Конор Макгрегорга рахмат".

Маълумот учун, Баҳромжон Рўзиев шу кунгача UAE Warriors лигасида битта ва Centurion FC лигасида битта, жами иккита жанг ўтказган ва ҳар иккисида ғалаба қозонган. У охирги жангини 15 март куни Моҳаммед Мамдуҳга қарши ўтказиб, муддатидан олдин ғалаба қозонган эди.