Конор Макгрегор Бразилияда жанг ўтказмоқчи

Ирландиялик аралаш қоидалар жангчиси кеча айнан Бразилияда ташкил этилган UFC Fight Night 144 турнирини бевосита аренадан кузатиб борди. 

“Бразилиядаги бугунги UFC турнирида ажойиб муҳитга гувоҳ бўлдим. Фаолиятимнинг маълум бир қисмидаги жанглардан бирини бажоонидил айнан Риода, мана шундай қайноқ қалбли мухлислар кўз ўнгида ўтказаман. 

Ўзи аслида ўтган йили Рио-де-Жанейрода жанг ўтказиш учун имконият юзага келганди. Келаси сафар бу имкониятни қўлдан чиқармайман”, - деди Конор.

Маълумот учун, ўтган йили Конор Макгрегор ва Рафаэль дос Аньос ўртасида ярим ўрта вазн тоифаси чемпионлик камари учун жанг айнан Бразилияда ўтказилиши  керак эди. Лекин Конорнинг Хабиб ва унинг жамоадошлари жой олган автобусга ҳужум уюштириши натижасида жанг бекор қилинганди.