Конор Макгрегор Макс Холлоуэй билан жангидан даҳшатли даражада пул ишлаб олади

BMF камари соҳиби Макс Холлоуэйга қарши кечадиган мазкур жанг орқали Конор UFC 329 турнири кардидаги барча жангчиларнинг бутун фаолияти давомида ишлаб топган маблағидан ҳам кўра кўпроқ гонорарни қўлга киритади. У ўша оқшомдаги бир жанги учун 15 млн АҚШ доллари олади.

Жанг ярим ўрта вазн тоифасида ўтказилади. 

Бу икки аралаш яккакураш устасининг илк жанги 2013 йилнинг август ойида ўтказилган бўлиб, ўшанда Конорнинг ғалабаси билан якунланган эди. Макгрегор ўшанда ҳакамларнинг якдил қарори билан зафар қучганди. 

Шундан сўнг ирландиялик енгил ва ярим енгил вазн тоифасида UFC чемпионлик камарларини қўлга киритиб, ташкилотнинг биринчи икки карра чемпионига айланди, америкалик эса ярим енгил вазн тоифасида чемпион, шунингдек, BMF камари соҳиби бўлди. 

Конор Макгрегор беш йил аввал Дастин Порьега қарши жангда оёғидан оғир жароҳат олганидан бери октагонга чиқмаган, Макс Холлоуэй эса жорий йилнинг март ойида ҳакамларнинг якдил қарори билан Чарльз Оливейрага ютқазиб, BMF камарини бой берганди.