Конор Макгрегор: "Қасос олишни истайман ва бунга эришаман"

Ирландиялик бунинг учун ҳисоб-китоб қилмоқчи бўлган рақибини ҳам айблайди.

"Сизга шуни айтаманки, жангни тўхтатишни мен сўрамаганман. Уни тўхтатишни мен талаб қилганим йўқ. Мен сен билан муштлашяпман, сен эса ҳакамга қараб: "Ҳакам! Жангни тўхтат! Жангни ким тўхтатади ўзи? Тўхтатма! Жангни тугат! Сен жангни тўхтатишни сўраяпсан. Жанг эндигина бошланди.

Лекин ҳаммаси жойида. Биз ўз ишимизни бажарамиз, ўз йўлимизда давом этамиз ва қасос оламиз. Мен қасос олишни истайман. Бу мени ҳаракатга келтиради. Менда бу йўл бор. Менинг олдимда шу вазифа турибди. Мен спорт тарихидаги энг буюк қайтишни амалга оширмоқчиман", - деди ирландиялик жангчи МАC Energy’га берган интервьюсида.

Операциядан сўнг тикланаётган икки вазнда собиқ UFC чемпиони келаси ёзда Лас-Вегасда ўтказиладиган ҳар йилги Халқаро жанглар ҳафталигида америкаликдан реванш олиш ниятида эканлигини тасдиқлади.

"Мен аллақачон жадвалдан ўзиб кетяпман. Оёқдаги шиш пасайди. Икки-уч ҳафтадан бери қўлтиқтаёқ ишлатмайман. Мен бундай жароҳатни тахминан ўн йил олдин олганман ва замонавий тиббиёт тараққиёти ҳамда машғулот усулларининг ривожланиши туфайли менинг тикланишим тезроқ кечиши керак. Ўтган сафар мен тўққиз ойда тузалиб, мусобақаларга қайтган эдим. Шундай экан, тўққиз-ўн икки ой – мутлақо етарли муддат, – дея хулоса қилди Макгрегор.