Конор Макгрегор: "Холлоуэй UFC тарихидаги энг калтакланган шахс"

Аммо яқинда "Blessed" нашрига берган интервьюси ирландияликни яна америкалик билан рақобати ҳақида гапиришга мажбур қилди.

"У қандайдир "авлодни калтаклаш" ҳақида гапирди, лекин бу йигит шунчаки алаҳсираётган эди. Чунки у менга ҳаракатсиз туюлди. У жуда секин эди. Қари кўринарди. Агар кимдир у ерда "авлодни ўлдириш"ни режалаштирган бўлса, бу аниқ у эмаслигини айтишим мумкин," - деди Холлоуэй ижтимоий тармоқда эълон қилинган видеода.

Бу сўзлар Макгрегорга қаттиқ таъсир қилди ва у сунъий интеллектдан жанг кунидаги юзини Холлоуэйнинг юзи билан таққослашни сўради. Сунъий интеллект америкалик анча кекса кўринади, деган хулосага келди.

Унинг юзи анча тўзиган, кўпни кўрган, кўзлари атрофида чуқур ажинлар бор, бундай ёруғликда териси бироз дағалроқ кўринарди. Конор, ҳатто қалин соқоли билан ҳам, ҳали ҳам анча келишган ва парваришланган кўринади", - дея ирландиялик сунъий интеллект жавобини келтирди.

UFC тарихидаги энг кўп калтакланган йигит (статистикага қаранг) бундай гапириши мумкин эмас. Унга нима бўлди?", – деб қўшиб қўйди Макгрегор ўз номидан изоҳ берар экан.

Икки ҳафта олдин Макс Холлоуэй билан жангнинг дастлабки сонияларида тиззасидан жароҳат олган Конор Макгрегор муваффақиятли операция қилинди ва америкалик билан трилогияни якунлаш учун бир йилдан сўнг октагонга қайтиш ниятини тасдиқлади.

Холлоуэй эса бир кун аввал Макгрегор билан учинчи жангга ҳам, енгил ёки ярим ўрта вазн тоифасида UFC чемпионлиги учун жангларга ҳам тайёрлигини маълум қилган эди.