Конор Макгрегорни мағлуб этган UFC жангчиси фаолиятини якунлади

Бундай қарорга у якшанба тонгида Абу-Дабида ўтган UFC Fight Island 2 турнири доирасида Йоэль Альваресдан қабул қилиб олган мағлубият сабаб бўлди. Бу унинг фаолиятидаги кетма-кет учинчи мағлубият эди. 

"Бутун ҳафта давомида кўплаб қўллаб-қувватловчи табрикларни қабул қилдим. Ҳаммага ўз миннатдорчилигимни билдираман. Узоқ йиллик ММАдаги фаолиятим, у ерда олган тажрибамдан миннатдорман. Ҳамма нарсанинг якуни бор. Ўз вақтида кетиш ҳақида қарор чиқариш ҳам мардлик ҳисобланади. Айримлар ишлари ўхшамаса ҳам пул учун жанг қилиб юраверади. Йоэль Альваресни ғалаба билан табриклайман ва ўз ўрнида UFCга ана шу жангни ташкил этиб бергани учун раҳмат айтаман. Мухлислардан сўнгги мағлубиятлар учун узр сўрайман", — дея Инстаграм саҳифасида хабар қолдирган 32 ёшли Даффи.

Эслатиб ўтамиз, Даффи Конор Макгрегорни 38 сонияда мағлуб этишга муваффақ бўлган эди.