"Конор Макгрегорнинг энг кучли талқинига қарши жангга тайёргарлик кўряпман" - Холлоуэй

"Унинг охирги жангига беш йил бўлди. Шу вақт ичида жуда кўп нарса ўзгарган бўлиши мумкин. Биз унинг бу беш йил давомида нималар билан шуғулланганини кўрдик ва саволлар ҳам айнан шу ерда пайдо бўлади. Лекин мен руҳий жиҳатдан Конор Макгрегорнинг энг яхши ҳолатига қарши жанг қилишга тайёрланяпман. Беш йил ичида инсон ўзини қайта тиклаб олиши, танасига эътибор қаратиши, вазн ташлаш азобини чекмаслиги ва организмга тўлиқ тикланиш имконини бериши мумкин.

Биламан, кўпчилик: "Макс, сен кўрмисан? Биз унинг қандай ҳаёт кечираётганини кўрдик-ку", дейди. Лекин ҳақиқат шуки, балки у айнан шуни кўришингизни истагандир. Ёпиқ эшиклар ортида нима бўлганини ҳеч ким билмайди, ахир камера уни сутка давомида кузатиб юрмаган. Барибир мен Конор Макгрегорнинг энг кучли версиясига қарши жангга тайёргарлик кўряпман ва буни интизорлик билан кутяпман", — деди Холлоуэй.