27 сен 17:44
Янгиликлар

Бокс/ММА

Конор Макгрегорнинг компанияси “минус”га кирди

Икки вазн тоифасида собиқ UFC чемпиони Конор Макгрегорга тегишли бўлган McGregor Sports and Entertainment компанияси касодга учрай бошлади.

Британиянинг The Sun нашри тарқатган хабарга кўра, компаниянинг ўтган йил бўйича берган молиявий ҳисоботида яхшигина зарарга кирган. Ушбу зарар 465 835 АҚШ доллари (£317 055) миқдори эканлиги айтилмоқда.

Икки йил аввал компания 12 ой ичида 136 422 доллар (£103 878) фойда келтирган эди. Даромад эса ярим миллион долларга тушиб кетган. Ушбу компанияга Конор томонидан 2014 йилнинг июль ойида асос солинган эди.

Бир йил компания директори лавозимида ишлаган Макгрегор кейинчалик бошқарувни рафиқаси Ди Девлинга топширганди. Компания iPhone MacTalk иловаси ҳамда themaclife.com сайти билан шуғулланади.

Эслатиб ўтамиз, Конор Макгрегор жорий 2018 йилда Forbes рейтингида энг кўп ҳақ тўланувчи спортчилар орасида тўртинчи ўринни эгаллаганди. Унинг йиллик даромади 99 миллион долларга баҳоланган эди.