06 июн 13:53
Янгиликлар

Бокс/ММА

Конор Макргегор шифохонадан сурат жойлади + ФОТО

Икки вазн тоифасида собиқ UFC чемпиони, ирландиялик аралаш яккакураш устаси Конор Макгрегор Instagram саҳифасига янги пост жойлади.

Суратда Макгрегорнинг шифохонада эканини кўришимиз мумкин. Конор 29 июнь куни UFC 303 турнирининг марказий жанги доирасида Bellator собиқ чемпиони, америкалик Майкл Чендлерга қарши октагонга чиқиши лозим.

Лекин номаълум сабабларга кўра, дастлаб, мусобақанинг матбуот анжумани бекор қилинди. Кейинроқ мусобақага оид барча реклама-афишалари интернет платформаларидан ўчирилди. Бу ҳолатларга эса изоҳ берилмади.

Хориж ОАВларининг хабар беришича, бунга Макргегорнинг машғулотларда орттириб олган жароҳати сабаб бўлиши мумкин. Жанг бекор қилиниши ёки ўтказилиши ҳақида ҳозирча хабарлар мавжуд эмас.