30 июн 07:45
Янгиликлар

Бокс/ММА

Конор Порье билан жангдан кейин ғалабани "ювиш" учун Лас-Вегасдаги тунги клубни банд қилиб қўйди

Икки вазн тоифасида собиқ UFC чемпиони Конор Макгрегор америкалик Дастин Порьега қарши ўтказиладиган учинчи жангидаги ғалабасига ишонмоқда.

Ирландиялик жангдан кейин яқинлари билан ғалабани нишонлаш учун Лас-Вегасдаги Encore Beach Club тунги клубини банд қилиб қўйди. Бу ҳақида у "Инстаграм"даги саҳифасида хабар берди. Жангчилар ўртасидаги трилогия 11 июль куни айнан Лас-Вегасда бўлиб ўтади.

Макгрегор учун бу биринчи ҳолат эмас. У Дональд Серронега қарши жанг олдидан ҳам бўлажак ғалабани тантана қилиш учун олдиндан клуб "брон" қилиб қўйган эди. Ўшанда Конор рақибини биринчи дақиқадаёқ нокаутга учратганди.

Қизиғи, Макгрегор россиялик Хабиб Нурмагомедовга қарши кечган чемпионлик жанги олдидан ҳам шундай йўл тутганди. Лекин ўшанда жанг қандай натижа билан якунланганини ўзингиз жуда яхши биласиз.