23 ноя 09:44
Янгиликлар

Бокс/ММА

Конорга хитойлик билан жанг учун 5 млн доллар таклиф қилишди

Икки вазн тоифасида собиқ UFC чемпиони Конор Макгрегор хитойлик кикбоксчига қарши жанг ўтказиши мумкин.

Бу маълумотни ирландиялик спортчининг мураббийи Жон Кавана ҳам тасдиқлади.

“Бир неча кун олдин хитойлик бир кикбоксчининг промоутеридан таклиф тушди. У уч раундлик жанг учун 5 миллион долларлик гонорар ваъда қилди.

Биласизми, менга шунга ўхшаш жуда кўп таклифлар жўнатишади. Очиғи, уларнинг аксариятига эътибор қаратмайман. Лекин бу галги таклиф ҳақиқий эди. Мен бу таниқли промоутерни танийман. Аммо, ҳозирча жанг ҳақида гапиришга эрта”, - деди Кавана.