24 фев 14:45
Янгиликлар

Теннис

Кори Гофф Дубай турнири 1/2 финалчига айланди

Дунёнинг олтинчи ракеткаси Кори Гофф Дубайда давом этаётган нуфузли WTA турнирининг 1/2 финалига йўл олди.

Америкалик 18 ёшли Гофф чорак финалда рейтингнинг 23-поғонасида бораётган ватандоши Мэдисон Кизни 6/2, 7/5 ҳисобида таслим этди. Теннисчиларнинг ўзаро учрашувларида Кори ҳисобда олдинга чиқди - 2:1.

Саксон бир дақиқа давом этган баҳсда Гофф 1 та, Киз эса 2 та эйс зарбасини амалга оширган. Энди Гофф Dubai Duty Free Tennis Championships турнирининг ярим финалида сайёрамизнинг биринчи рақамли теннис маликаси, польшалик Ига Свёнтекка қарши кортга чиқади.