Кори Сэндхагенга янги рақиб берилди + ПОСТЕР

У 5 август куни Нэшвилл шаҳрида ўтказиладиган UFC on ESPN 50 турнири кардида қолди. Унга янги рақиб тайинланди. Дивизион рейтингида 7-ўринни эгаллаб турган америкалик Роб Фонт Умар Нурмагомедовнинг ўрнини эгаллайди. 

Жанг аввалдан белгиланган беш раундлик ҳамда оқшомнинг марказий тўқнашуви мақомини сақлаб қолади. Аслида Фонт 19 август куни Бостонда ўтказиладиган UFC 292 турнирида хитойлик Сонг Ядонгга қарши октагонга чиқиши лозим эди.

Шу йилнинг апрель ойид 36 ёшли Роб Фонт кетма-кет икки мағлубиятдан сўнг ғалаба қозонишнинг уддасидан чиққанди. У биринчи раундда Эдриан Янизни техник нокаутга учратганди. Ундан аввалги икки мағлубиятини Жозе Альдо ва Марлон Верадан қабул қилиб олган эди.

31 ёшли Кори Сэндхаген эса айни пайтда рейтингнинг тўртинчи поғонасидан жой олган. Кетма-кет иккита жангда зафар қучди. Аввалига Сонг Ядонгни техник нокаутга учратди, кейин эса ҳакамларнинг айри қарори билан Марлон Верадан устун келди.