Козимбек Мардонов дебют, кейинги жанг ва пиар ҳақида гапирди

Американинг Майами штатида ўтказилган бокс оқшомида ҳамюртимизга аргентиналик Марсело Рубин Молина рақиблик қилди. Мардонов 4 раундга мўлжалланган жангнинг 2-раундида Молинани нокаутга учратди. Ғалабадан сўнг Козимбек www.olamsport.com сайти муҳбири билан суҳбатда жанг ҳақидаги фикрларини билан ўртоқлашди.

«Бу жангга икки ой давомида тайёргарлик кўрдим. Рақибим анча тажрибали боксчи эди, профессионал боксда кўпроқ нокаутга ҳаракат қилиш керак. Пухта тайёргарлик олиб бордим ва бунга эришдим. 

Кейинги жангим 26-март санасида бўлиши режалаштирилган. Рақиб ҳали аниқ эмас. Бироз дам олиб, янада кўпроқ ишлаб кейинги жанггимда ҳам нокаутга қилишга интиламан. Машғулотларни Америка Қўшма Штатларида давом эттираман. 

Пиар? Ҳа тўғри, проф боксда ПРга алоҳида эътибор берилади, бироқ мен бунга у қадар қизиқмайман (кулади)», - деди Козимбек Мардонов. 

Сарвиноз Рахмонқулова суҳбатлашди.