Кремлёв: "Россия ва Беларусь спортчиларининг мусобақаларда иштирок этишига рухсат бериш вақти келди"

"Директорлар кенгаши спортчиларни эмас, миллий федерацияни четлаштириш учун овоз берди. Ўз қарори билан IBA Директорлар кенгаши украиналик спортчиларни дисквалификациядан озод қилди ва қўшимча равишда украиналик спортчиларнинг IBA расмий чемпионатларида иштирок этиши учун харажатларини қоплашни таъминлади.

Уларнинг иштироки ва миллий рамзлардан фойдаланиш тафсилотлари аллақачон келишиб олинган. Яна бир бор такрорлайман, барча боксчиларга нима бўлишидан қатъий назар, ўз миллий байроғи остида мусобақаларда қатнашишларига рухсат бериш керак.

Боксчилар медаллар учун эмас, балки ўз мамлакатларини ҳимоя қилиш учун курашадилар. Спорт сиёсатдан ташқарида: у бошланган жойда, сиёсат билан тугайди. IBA ҳар бир боксчини ўз мамлакатидаги сиёсий вазиятдан қатъий назар ҳимоя қилиш учун ҳозир-у нозир.

Россия ва Беларуснинг барча спортчиларига ўз спорт турлари бўйича барча расмий мусобақаларда ўз мамлакатлари вакили сифатида қатнашишларига рухсат беришнинг вақти келди. ХОҚ ҳам, ХФ ҳам барча спортчиларни ҳимоя қилиши керак. Миллатига кўра камситиш бўлмаслиги керак. Спорт ва спортчиларни сиёсатдан узоқлаштириш ҳар биримизнинг бурчимиздир. IBA ва мен шахсан бундай қўшма ташаббусни қўллаб-қувватлашга тайёрмиз ва мен барчани юқори поғонада бўлишга, спортчиларимизни сиёсатдан узоқлаштиришга чақираман", — дея Кремлёвнинг сўзларини келтиради IBA расмий сайти.