Кроуфорд Боб Арумни судга берди. Бокс мафияси эса бунга муносабат билдирди

Уч тоифада жаҳон чемпиони, ярим ўрта вазн тоифасида WBО йўналишининг амалдаги чемпиони америкалик Теренс Кроуфорд (38-0, 29 КО) Тоp Rank Boxing промоутерлик компанияси ва унинг раҳбари Боб Арумни судга бергани маълум бўлди. 

Теренснинг кутилмаган даъвосига кўра, промоутер «қора танли жангчиларни тарғиб қилишга ҳаракат қилмайди ва уларни камситади».

Тоp Rank президенти ўз навбатида бунга муносабат билдирди:

«Кроуфорднинг Тоp Rank'га қарши даъвоси асоссиз ва унинг ирқчиликдаги қабиҳ айбловлари ўйламасдан қилинган ва асоссиздир. Буни у ва унинг адвокати билади. Мен бутун промоутерлик фаолиятим давомида қора, латино ва бошқа рангли боксчилар ўртасида чемпионлик жанглари ўтказдим. Суд Кроуфорд ишига ғаразли товламачилик уриниши сифатида қарашига шубҳам йўқ», - деди Боб Арум.

Эслатиб ўтамиз, Теренс Арум билан 2021 йилнинг ноябрь ойида Шон Портер устидан қозонилган ғалабадан сўнг дарҳол хайрлашганди.