Куба профессионал боксга тақиқни олиб ташлади

Тақиқ 1962 йилдан бери амалда эди. 

ESPN маълумотига кўра, федерация Golden Ring компанияси билан келишувга эришганидан сўнг тақиқларни бекор қилган. Промоушен 20 май куни Мексикада профессионал бокс оқшоми ташкил этади. Шоу бутун Лотин Америкаси бўйлаб намойиш этилади. Бокс кечасида Хулио Сезар ла Круз, Арлен Лопес, Рониель Иглесиас ва Энди Круз каби бокс юлдузлари иштирок этади. 

Маълумот учун, Кубада профессионал боксга тақиқ 1962 йилда пайдо бўлган. Ўшанда мамлакат етакчиси Фидель Кастро профессионал боксни коррупциялашган деб ҳисоблаган. Аммо, бу орада мамлакатда ҳаваскор бокс яхшигина ривожланган.