21 мар 08:06
Янгиликлар

Бокс/ММА

Кудряшов - Файфер жанги бекор қилинди

Коронавирус пандемияси сабаб бекор бўлаётган мусобақалар, бокс жанглари сони ортиб боряпти.

Жумладан, биринчи оғир вазн тоифасида жаҳон чемпионлик камари учун собиқ даъвогар Дмитрий Кудряшов иштирокидаги жанг ҳам бекор қилинди. Россиялик боксчи 8 май куни Ростов-на-Дону шаҳрида ватандоши Руслан Файферга қарши рингга чиқиши лозим эди.

Эслатиб ўтамиз, Дмитрий сўнгги жангини 2019 йилнинг декабрь ойида ўтказган ва ўшанда Вацлав Пейсарни қийинчилик билан мағлубиятга учратган эди. Ўша жангда Кудряшовнинг ғалабасини таъминлаган икки ҳакам кейинчалик четлатилганди. Ўз ўрнида Файфер сўнгги жангида Юрий Кашинскийдан устун келган.