Кунде ўнг қанот ҳимоячиси бўлиб ўйнашга рози

Жюль Кунде "Барселона" бош мураббийи Хави билан учрашди ва уни тез-тез ўнг қанот ҳимоячиси сифатида тўп тепишга тайёр эканлигига ишонтирди, деб хабар берди AS. 

Олдинроқ франциялик футболчи каталонияликлар клубини тарк этишга тайёр, чунки у қанотда ўйнашни ёқтирмаслиги ва марказий ҳимоячи бўлиб ҳаракат қилишни исташи ҳақида хабар берилганди. Жюль Кунде ўнг қанот ҳимоячиси сифатида кўпроқ ўйин вақтига эга бўлишини тушуниб етди.

Бироқ "Барселона" ҳимоянинг ўнг қанотида ўйнайдиган Жоау Канселуга қизиқишда давом этмоқда. Бошқа томондан, португалиялик футболчи ҳимоянинг чап қанотида ҳам ўйнай олади.