Курашчи-қизларимиз Янгиободда машғулот ўтказишяпти ФОТОРЕПОРТАЖ

Анатолий Ибрагимов ва Аҳмед Кагарманов мураббийлигидаги курашчи-қизларимиз ушбу ўқув-машғулот йиғини орқали 6-9 май кунлари Болгариянинг София шаҳрида ўтказиладиган Токио Олимпиадасига йўлланма берувчи жаҳон лицензион турнирига тайёргарлик кўришяпти. Бу мусобақа нафақат аёллар кураши, балки эркин ва юнон-рум курашчиларимизга Олимпиада йўлланмасини қўлга киритиш учун сўнгги имконият бўлади. 

Маълумот учун, яқинда Қозоғистонда ўтган Осиё лицензион турниридан сўнг эркин ва юнон-рум кураши терма жамоаларимизда Токио Олимпиадаси лицензиялари сони 8 тага етди, яъни ҳар икки терма жамоамизда ҳам 4 тадан йўлланма бор. Қизларимиз эса ҳозирча бу имкониятдан фойдалана олишмади. Шу сабабли Софиядаги турнирда аёллар терма жамоамиз тўлиқ - 6 та вазн тоифасида иштирок этади.      

Ўқув-машғулот йиғинида 20 нафар курашчи-қизларимиз иштирок этмоқда. Машғулотлар кунига уч маҳалдан олиб бориляпти. 18 апрелда бошланган йиғин 1 майга қадар давом этади.