Курашчиларимиз лицензион турнирда қатнашиш учун Қозоғистонга жўнаб кетишди

Уч кун давомида эркин, юнон-рум ва аёллар кураши вакиллари Олимпиада йўлланмалари учун гиламга чиқишади. 

Ҳозиргина эркин, юнон-рум ва аёллар кураши бўйича Ўзбекистон терма жамоалари Тошкент - Олмаота рейси билан Қозоғистонга учиб кетди. Эркин ва аёллар кураши жамоаларимиз Олмаотада 6 та, юнон-рум курашчиларимиз эса 3 та йўлланма учун баҳсларга киришадилар. Икки йил аввал Нур-Султанда ўтган жаҳон чемпионатида классикларимиздан Элмурат Тасмурадов, Жалгасбай Бердимуратов ва Рустам Ассакалов Токио Олимпиадаси йўлланмасини қўлга киритишган эди.     

Умид қиламизки, ҳар уччала терма жамоамиз Қозоғистондаги турнирдаёқ тўлиқ таркибда йўлланмаларни қўлга киритади. Сўнгги лицензион турнир эса 6-9 май кунлари Болгария пойтахти София шаҳрида ўтказилади. Жаҳон лицензион турнирида барча қитъа курашчилари сўнгги имкониятдан фойдаланишади. 

Эркин кураш терма жамоаси таркиби: 

57 кг: Ғулом Абдуллаев 

65 кг: Ильяс Бекбулатов 

74 кг: Бекзод Абдураҳмонов 

86 кг: Жавраил Шапиев

97 кг: Магомед Ибрагимов

125 кг: Мақсуд Вейсалов  

Бош мураббий - Олим Ҳикматов

Мураббийлар - Абдурауф Бозорбоев, Али Аҳмедов

Юнон-рум кураши терма жамоаси таркиби:

67 кг: Арам Варданян 

97 кг: Жаҳонгир Турдиев 

130 кг: Мўминжон Абдуллаев

Бош мураббий - Равшан Рўзиқулов

Мураббийлар - Рустам Қудратов, Заза Силагадзе 

Аёллар кураши терма жамоаси таркиби: 

50 кг: Даулетбике Яхшимуратова

53 кг: Актенге Кеунимжаева

57 кг: Шоҳида Аҳмедова

62 кг: Набира Есенбаева 

68 кг: Светлана Окназарова

76 кг: Шаҳрибону Эллиева   

Бош мураббий - Анатолий Ибрагимов