11 окт 10:37
Янгиликлар

Теннис

Кутганмидингиз? Ига Свёнтек "Ролан Гаррос" ғолиби!

Франция пойтахти Париж шаҳрида икки ҳафта давом этган "Ролан Гаррос" турнирининг аёллар ўртасидаги ғолибаси аниқланди.

Ҳал қилувчи финал учрашувида кутилмаган натижа қайд этилди. WTA рейтингида 54-поғонадан жой олиб турган польшалик Ига Свёнтек дунёнинг олтинчи рақамли теннис маликаси, америкалик София Кенинни 6/4, 6/1 ҳисобларида мағлубиятга учратиб, Франция Очиқ чемпионати ғолибасига айланди.

Бир соату 24 дақиқа давом этган финал учрашувида теннисчилар биттадан эйс зарбасини амалга оширишди. Ушбу тарихий чемпионлик 19 ёшли Свёнтекка 1 миллион 600 000 евро мукофот пули ҳамда 2000 рейтинг очкосини тақдим этди.