Кутилган хабар! Фьюри ва Жошуа ўртасида иккита жанг ўтказилади

Британиялик жаҳон чемпионлари ўртасида иккита жанг ўтказилади ва боксчилар бўлажак супер тўқнашувлар шартномасига ўз имзоларини қўйишди. 

"Энг қийини ортда қолди. Сўнгги икки ойда бу жангларни ташкил этиш бўйича катта ҳажмда иш олиб борилди. Жангга мезбонлик қилиш бўйича таклифлар етарлича бўлди. Саккиз ёки тўққиз давлат бу бўйича ўз таклифини жўнатди. Яқин Шарқ, Осиё, Шарқий Европа ҳамда Америка қитъаси давлатларидан қизиарли таклифлар олдик. Ишончим комил, бу нафақат бокс, балки спорт тарихидаги аҳамиятга молик воқейлик бўлади. Бу жангларга мезбонлик қилувчи мамлакат имиджи учун ҳам яхшигина реклама", — дейди жанг ташкилотчиси, Жошуанинг промоутери Эдди Хирн.

Хабарда айтилишича, Фьюри ва Жошуа ўртасидаги биринчи жанг бирлаштирувчи чемпионлик жанги мақомида бўлади. Яъни, ўртага ҳар икки боксчига тегишли камарлар қўйилади. Ғолиб мутлақ жаҳон чемпионига айланади. Мағлуб боксчи эса реванш жангида рингга чиқиш ҳуқуқини қўлга киритади.