Кутилмаган трансфер: Кэрролл Франция клубига ўтиши мумкин

Чемпионшипнинг сўнгги натижаларига кўра, "Рединг" 22-ўринни эгаллаб, лигада жон сақлаб қола олмади. Журналист Санти Аунанинг ёзишича, эндиликда Англия терма жамоаси собиқ ҳужумчиси Францияда иш топиши мумкин: 34 ёшли футболчи Лига 2'да ўйнаётган "Амьен"да тиббий кўрикдан ўтган. Томонлар келишувга эришишга яқин турибди.

Эндрю Кэрролл "Ливерпуль", "Вест Хэм" ва "Ньюкасл"даги ўйинлари билан танилган. Футболчи 2022 йилнинг сентябридан бери "Рединг" шарафини ҳимоя қилиб келаётганди. Transfermarkt портали англияликни 300 000 еврога баҳоламоқда.