Кутилмаган хабар: Токио-2020 ташкилотчилари коронавирус билан боғлиқ вазият ёмонлашган тақдирда Олимпиадани бекор қилиш вариантини ўйлашмоқда

Тосиро Мутонинг хабар қилишича, агарда коронавирус билан зарарланиш ҳолатлари авж оладиган бўлса, Олимпиада бекор қилиниши мумкин. 

Сўнгги 24 соат ичида, Олимпиада ўйинларига боғлиқ инсонлардан 10тасида вирус аниқланган, шу билан умумий зарарланганлар сони 68 кишига етган.

"Биз олдиндан вазият қандай тус олишини билмаймиз. Шу сабаб ҳам биз бу нарсани муҳокама қиламиз. Касалланганлар сони ортиши ҳам, камайиши ҳам мумкин. Агар касаллик ҳолатлари ортадиган бўлса, у ҳолда биз беш томонлама музокараларни яна бошлашимиз мумкин", - деди Тосиро Муто.

Эслатиб ўтамиз, Токио-2020 Олимпиадасининг 26 мусобақаси томошабинлар билан, қолган 724таси эса бўш трибуналарда ўтказилади. Олимпиада 23 июль куни старт олиб, 8 август куни ўз якунига етади.