15 мар 15:07
Янгиликлар

Кутилмаган янгилик! UFC'нинг ўрта вазн юлдузи навбатдаги жанггига тайёргарликни Россияда олиб бормоқчи

Ўрта вазн тоифасида собиқ UFC чемпионлигига давогар, Марвин Веттори Роберт Уиттакерга қарши жангга тайёргарлик кўриш учун Россияга йўл олди.

Бу ҳақда италиялик менежер Али Абдель-Азиз маълум қилди.

"UFC бўлажак чемпиони Марвин Веттори Роберт Уиттакерга қарши жанг қилади. Уни рейтингдан чиқариб ташлайди. Марвин Ветторидан кўра ғайратли ва тиришқоқ одамни ҳеч қачон учратмаганман. Руҳий жиҳатдан уни мағлуб этиб бўлмайди. У Доғистонда машқ қилмоқчи" - деди Абдель-Азиз.

Эслатиб ўтамиз, ўрта вазн тоифасида Роберт Уиттакер ва Марвин Веттори ўртасидаги жанг 11 июнь куни Сингапурдаги UFC 275 турнирида бўлиб ўтади.