18 авг 10:44
Янгиликлар

Бокс/ММА

Лас-Вегасдаги UFC турнирининг асосий жанги тасдиқланди + ПОСТЕР

Дунёнинг энг кучли лигаси матбуот хизмати томонидан 7 ноябрь куни АҚШнинг Лас-Вегас шаҳрида бўлиб ўтадиган UFC Fight Night турнирининг асосий жанги эълон қилинди.

Ярим ўрта вазн тоифаси вакиллари Габриэль Бонфим ва Шон Брэди ўртасидаги жанг Лас-Вегас турнирининг асосий воқеаси бўлади. Бразилиялик 28 ёшли Габриэль Бонфим июнь ойида кетма-кет бешинчи ғалабасини қўлга киритди. У беш раунд якунига кўра, дивизионнинг собиқ чемпиони Белал Муҳаммадни ҳакамларнинг якдил қарори билан мағлуб этган эди.

Америкалик 33 ёшли Шон Брэди эса ўтган йилнинг ноябрь ойида Майкл Моралесга биринчи раунддаёқ техник нокаут билан ютқазиб, учта ғалабадан иборат сериясини тўхтатганди. Шу йилнинг май ойида эса у Хоакин Баклини ҳакамларнинг бир овоздан қабул қилган қарори билан мағлуб этиб, фаолиятини яна муваффақиятли йўлга солиб олди.