31 авг 10:49
Янгиликлар

Бокс/ММА

Лас-Вегасдаги UFC турнирининг марказий жанги эълон қилинди

18 ноябрь куни АҚШнинг Невада штати Лас-Вегас шаҳрида ўтказиладиган UFC турнирининг марказий жанги тасдиқланди.

Ўрта вазн тоифасида Пол Крэйг ва Брендан Аллен ўртасида ташкил этиладиган жанг UFC оқшомининг марказий тўқнашуви бўлади. 27 ёшли Аллен кетма-кет 5 та жангда ғалаба қозонган. Жангларнинг тўрттасини бўғиш усули билан якунлаган. Охирги жангида бразилиялик Бруно Сильвани биринчи раунддаёқ таслим этганди.

Шотландиялик 35 ёшли грепплер Пол Крэйг эса ўтган ой ўрта вазн тоифасида дебют қилиб, иккинчи раундда Андре Мунизни техник нокаутга учратганди. Пол 2016 йилдан бери яримоғир вазн дивизионида ўз жангларини ўтказиб келган. Айни пайтда Брендан Аллен ўрта вазнлилар рейтингида 10, Пол Крэйг эса 13-ўринни эгаллаб турибди.