26 мар 11:03
Янгиликлар

Спорт курашлари

Лайлохон Собирова Осиё чемпионатида иштирок этмайди, бунинг сабаби маълум

Хабар берганимиздек, кеча Иорданиянинг Амман шаҳрида спорт курашлари бўйича катталар ўртасидаги Осиё чемпионати бошланди.

Аввалроқ, мусобақада иштирок этиши айтилган аёллар кураши бўйича Ўзбекистон терма жамоаси аъзоси Лайлохон Собирова (57 кг) Осиё чемпионатини ўтказиб юборадиган бўлди.

Бу ҳақда терма жамоа катта мураббийи Абдурауф Бозорбоев UWW_UZB канали билан суҳбатда маълум қилди.

"Лайлохонда мусобақага икки кун қолганида кучли шамоллаш рўй берди, спортчимизни турнирга олиб бориш учун шифокорлар билан қўлдан келганча ҳаракат қилдик, аммо тузалиши қийин бўлди ва уни олиб бормасликка қарор қилдик", деди мураббий.