02 апр 10:52
Янгиликлар

Теннис

Лайма Владсон Шарм Ал-Шейхда муваффақиятли старт олди

Мамлакатимизнинг тўртинчи ракеткаси Лайма Владсон Мисрнинг Шарм Ал-Шейх шаҳрида ўказилаётган W15 тоифасига кирувчи турнирда иштирок этяпти.

Турнирда саккизинчи рақам остида таснифланган вакиламиз илк даврада швейцариялик рейтинги йўқ теннисчи Жозефин Кунцни 6/0, 7/5 ҳисобида мағлубиятга учратди. Бу теннисчиларнинг ўзаро ўтказган илк учрашуви эди.

Ҳозирда WTA рейтингида 797-поғонадан жой олиб турган Лайма бугун 1/8 финалда хорватиялик Карла Поповичга қарши кортга чиқади. Учрашув бизнинг вақт билан соат 13:00да бошланади. Дунёнинг 929-ракеткаси бўлиб турган Попович илк босқичда рейтинги йўқ нидерландиялик Пиппа Босмандан устун келган - 7/5, 6/3.