Лазизбек Мирзаевга Испаниянинг қайси клуби қизиқаётгани маълум

Мирзаевга Испаниянинг "Леганес" клуби қизиқмоқда. Айни пайтда Сегундада иштирок этаётган клуб мусобақа жадвалида 1-ўринда бормоқда ва янги мавсум Ла лигага қайтишга яқин турибди.

1928 йилда ташкил этилган "Леганес"ни айни пайтда испаниялик мураббий Борха Хименес бошқариб бормоқда. Ўз уй ўйинларини Леганесдаги 12 454 томошабинга мўлжалланган "Estadio Municipal Butarque" стадионида ўтказади. Клуб 4 мавсум (2016-2020 йиллар) Ла лигада иштирок этган ва Сегундага тушиб кетган.

Эслатиб ўтамиз, Мирзаев айни пайтда клуб билан танишмоқда ва турли тестлардан ўтмоқда. Агар "Леганес"ни барчаси қониқтирса Лазизбек 18 ёшга тўлганидан кейингина (2024 йил, октябрь ойида) бу жамоа билан шартнома тузиши мумкин бўлади.

Маълумот учун, Лазизбек Мирзаев ҳам Абдуқодир Ҳусановнинг агентлиги бўлган "Football Group" билан ҳамкорлик қилади.