16 авг 19:43
Янгиликлар
Бокс/ММА
Лазизбек Мулложонов навбатдаги жангини қозоғистонлик енгилмас боксчига қарши ўтказади
Жаҳон чемпионати совриндори, ҳамюртимиз Лазизбек Мулложонов 26 август куни Польшадаги профессионал бокс оқшомида рингга кўтарилиши ҳақида аввалроқ хабар қилгандик.
Маълум бўлишича, ўша куни Лазизбекка қозоғистонлик Нурсултон Аманжолов рақиблик қилади.
Маълумот учун, Лазизбек проф боксда шу кунгача 3 та жанг ўтказиб, уларнинг барчасида муддатидан олдин ғалабага эришган. Нурсултон ҳам ҳали профессионал рингда мағлубиятга учрамаган. У 5 та жанг ўтказиб, уларнинг барчасида ғалаба қозонган. 4 та жангни муддатидан олдин якунлаган.
Эслатиб ўтамиз, мазкур турнирнинг марказий жангида супероғир вазн тоифасида жаҳон чемпиони Александр Усик Даниэль Дюбуадан ўз камарларини ҳимоя қилади.
Ҳавола :
Манба : olamsport.com
Фикрлар