Лазизбек Мулложонов ва Нурислом Исмоиловнинг Тошкентдаги жанги камар учун бўлади

Мусобақа доирасида Олимпия ўйинлари ғолиби Лазизбек Мулложонов нигериялик Моньясаҳу Муритадор билан, яна бир ҳамюртимиз Нурислом Исмоилов эса Танзания вакили Жозеф Маигвисья билан тўқнаш келади.

Эътиборлиси, ҳар икки жанг WBC CISBB камари учун ўтказилади.

Маълумот учун, WBC CISBB камари — бу World Boxing Council (WBC) билан боғлиқ бўлган минтақавий ташкилотдир: "CIS, Slavic and Baltic countries Boxing Bureau" номи билан. У CIS (Мустақил давлатлар ҳамдўстлиги) мамлакатлари, Slavic (Словьян) ҳамда Baltic (Болтиқ) давлатларидаги профессионал боксни ривожлантириш учун фаолият кўрсатади. WBC CISBB чемпионлик камари боксчи учун минтақавий чемпионлик унвони ҳисобланади — яъни жаҳон даражасида эмас, лекин катта минтақада (CIS/Slavic/Baltic) эътиборли унвон. Масалан, ўтган вақтларда боксчи Ержан Залилов WBC CISBB Silver унвонини қўлга киритган. Камарни қўлга киритиш натижасида бу боксчи учун рейтингда кўтарилиш, кўпроқ омма эътибори, промоушенларнинг қизиқиши ва кейинчалик катта босқичга ўтиш имконияти яратилиши мумкин.

Тошкентдаги бокс оқшомининг тўлиқ карди қуйидагича:

Марказий жанг. Ярим ўрта вазн тоифасида 8 раундлик жанг: Шаҳрам Ғиёсов (Ўзбекистон, 17-0-0) - Марк Урванов (Россия, 25-4-2)

Супер оғир вазнда 8 раундлик жанг: Баҳодир Жалолов (Ўзбекистон, 16-0-0) - Соломон Адебайо (Нигерия, 14-0-0)

Супер оғир вазнда WBC CISBB камари учун 10 раундлик жанг: Лазизбек Мулложонов (Ўзбекистон, 6-0-0) - Моньясаҳу Муритадор (Нигерия, 6-3-2)

Оғир вазнда 6 раундлик жанг: Шоҳжаҳон Абдуллаев (Ўзбекистон, 5-0-0) - Гутрам Нгоя (Танзания, 13-2-0)

Супер оғир вазнда 6 раундлик жанг: Озодбек Алиев (Ўзбекистон, 3-0-0) - Александр Зубков (Россия, 11-12-0)

Иккинчи ўрта вазнда WBC CISBB камари учун 10 раундлик жанг: Нурислом Исмоилов (Ўзбекистон, 7-0-0) - Жозеф Маигвисья (Танзания, 15-5-0)

Иккинчи ўрта вазнда 6 раундлик жанг: Аълохон Абдуллаев (Ўзбекистон, 4-0-1) - Суҳроб Қаюмов (Ўзбекистон, 4-0-1)

Супер ярим ўрта вазнда 8 раундлик жанг: Ражаб Бутаев (Россия, 15-1-0) - Артём Пугач (Россия, 3-12-4)

Ярим енгил вазнда 6 раундлик жанг: Бахтиёр Илёсов (Ўзбекистон, 1-4-0) - Хурсанд Иманкулиев (Туркманистон, 4-0-0)

Ярим ўрта вазнда 6 раундлик жанг: Шерзод Хабибов (Ўзбекистон, 4-0-0) - Асадбек Бекмирзаев (Ўзбекистон, 1-1-0).