24 июн 10:15
Янгиликлар

Бокс/ММА

Лебедев - Флэнаган. Жанг санаси ўзгартирилди

Профессионал бокснинг биринчи оғир вазн тоифасида WBA йўналиши чемпиони россиялик Денис Лебедев иштирокидаги жанг санасига ўзгартириш киритилди.

Лебедев ўз чемпионлик камарини 10 июль куни Екатеринбург шаҳрида Марк Флэнагандан ҳимоя қилиши керак эди. Ташкилотчилар ушбу бокс оқшомини бир кун аввал, яъни 9 июлга кўчиришди.

Ушбу бокс оқшоми RCC Boxing Promotions промоутерлик компанияси томонидан ташкил этиляпти. Айнан Лебедев иштирокидаги жанг оқшомнинг марказий баҳси бўлади.